Posición de En Marea no debate de toma en consideración
No pleno do día 17 de outubro, En Marea decidiu non participar no debate nin na votación da toma en consideración da ILP. A explicación desta posición está recollida na web do En Marea, que dá conta da postura manifestada pola súa portavoz, Paula Quinteiro Araújo, durante a intervención no pleno do Parlamento:
Porén, aínda non manifestaron cal é a súa posición política como grupo parlamentario en relación á ILP.
A intervención da representante de En Marea pode reproducirse completa na web do Parlamento:
Contactos previos co grupo parlamentario de En Marea
Este xoves 10 de agosto mantivemos unha nova xuntanza cos interlocutores do Grupo parlamentario de En Marea no Parlamento de Galicia. Foi o primeiro contacto logo do mantido o 9 de xaneiro cando lles presentamos a ILP e lles solicitáramos que non abordasen a cuestión dende unha perspectiva da política de partidos senón como unha problemática social transversal.
Naquel entón amosaran o seu interese na iniciativa pero non comprometeran nin anticiparan cal sería súa posición cando se iniciara a tramitación parlamentaria. Nesa primeira ocasión os nosos interlocutores foron Paula Quinteiro (Directorio de deputad@s do Parlamento de Galicia » Paula Quinteiro Araújo) e Paula Vázquez (Directorio de deputad@s do Parlamento de Galicia » Paula Vázquez Verao) . Por parte da Comisión Promotora acudimos Lois Toiran, Isabel Pereria e Abel Lamas.
Agora volveron a reiterarnos que aínda non tomaran unha decisión como grupo en relación á ILP, pero que de ser tomada en consideración por parte do Parlamento ofrécense a manter coa Comisión Promotora unha colaboración fluída durante a fase de emendas e ponencia.
Nesta ocasión os nosos interlocutores foron Paula Quinteiro, Paula Vázquez, Marcos Cal (Directorio de deputad@s do Parlamento de Galicia » Marcos Cal Ogando), Ángela Rodríguez (Congreso dos Deputados » Ángela Rodríguez Martínez) e Ana Seijas (Vicevoceira do Área Orgánica da Coordinadora de En Marea, ver prensa). Por parte da Comisión Promotora acudimos Lois Toiran e Abel Lamas.