Presentamos no Parlamento de Galicia o texto da ILP (20/10/2016)
A Comisión Promotora presentou diante do Parlamento de Galicia o texto da ILP Lei de corresponsabilidade parental e de relacións familiares no cese da convivencia.
A noticia na TVG
A Televisión de Galicia tamén recolleu ese momento (ver a publicación e video orixinal en http://www.crtvg.es/informativos/pais-separados-comezan-os-tramites-para-conseguir-unha-lei-autonomica-de-custodia-compartida-2426863 :
Pais separados comezan os trámites para conseguir unha lei autonómica de custodia compartida
Publicado o 20/10/2016 21:27
A Asociación Galega de Pais e Nais Separados comezou os trámites para que Galicia teña unha lei autonómica específica de custodia compartida. Esta tarde presentaron no rexistro do Parlamento a proposta de iniciativa lexislativa popular. A iniciativa conta co apoio da maioría dos partidos políticos cos que xa falaron. A asociación comezará a recollida de sinaturas cando os servizos xurídicos da cámara se pronuncien sobre se é competente ou non para lexislar sobre este asunto.
Etiquetas: ilpcoparentalidade parlamento